圃公館 (Closed)

新年之後開工，同同事一行十幾人一齊黎食飯，十二點半左右入座，可能因為地方比較偏僻啦，所以得一半full左。望望茶單，點心全部都起碼三四十蚊份，但竟然有午市放題！？逢星期五六日都有，一人168就有得任叫點心麵飯，覺得未必吃到咁多，最後都係單點大家share。D野食好快到齊，我地樣樣都點左D，果然有咁上下價錢就有咁上下水準，全部食物都好有水準。印象比較深刻既係黑松露伊麵，超惹味，仲有一口豆腐，入口即融。最後食到好飽，因為午市有八折，大家分番都係百幾蚊埋單，抵過放題！