Video
Read full review
2019-07-20
468 views
難得同中同姐妹聚餐，懷緬一下中學時光，我好姐妹就揀左呢間感覺頗為高質既新派中菜餐廳，話環境幾好同好chill， 一試果然難忘。呢度裝修精緻已經唔需要多講，更重要係佢呢度既雞尾酒同嘢食真係好有特色。首先講下d酒先。佢呢度既雞尾酒menu原來係用中菜常用既香料同埋十二生肖黎做主題，我同班朋友分別叫左「龍」Smash It 同埋「雞」Knock Knock。Smash it 係一杯好有茶香既酒，甜甜地既朱古力味又隱約咁出現，真係好有特色。至於Knock Knock呢，呢隻酒既米味好香濃，飲完好有煥然一新既感覺。講完飲當然要講返食啦，我地叫左個蒜香粉絲蒸帶子，一人一隻啱啱好。粉絲吸收曬帶子蒜蓉既鮮同香，認真唔錯。我姐妹原來提前叫定左呢味富貴雞，其實姐係乞兒雞改良版，本身由用泥土改成用餅泥封住隻雞。焗完之後就既有雞又有餅食。呢度既片皮鴨都好有特色，主要原因在於提供更多片皮鴨既配料好似生蒜黃糖等等，鍾意試新嘢既你不妨一試。不得不提係呢味鮑汁扣花膠露筍花膠軟彈適中之餘，鮑汁既味道亦都入曬落花膠入面，應該幾考功夫。跟住我地再叫左d點心食下好似春卷啊大蝦餃同埋一款幾特別既雞肉餃咁，食下食下都開始飽lu甜
呢度裝修精緻已經唔需要多講，更重要係佢呢度既雞尾酒同嘢食真係好有特色。
首先講下d酒先。佢呢度既雞尾酒menu原來係用中菜常用既香料同埋十二生肖黎做主題，我同班朋友分別叫左「龍」Smash It 同埋「雞」Knock Knock。
Smash it 係一杯好有茶香既酒，甜甜地既朱古力味又隱約咁出現，真係好有特色。至於Knock Knock呢，呢隻酒既米味好香濃，飲完好有煥然一新既感覺。
講完飲當然要講返食啦，我地叫左個蒜香粉絲蒸帶子，一人一隻啱啱好。粉絲吸收曬帶子蒜蓉既鮮同香，認真唔錯。
我姐妹原來提前叫定左呢味富貴雞，其實姐係乞兒雞改良版，本身由用泥土改成用餅泥封住隻雞。焗完之後就既有雞又有餅食。
呢度既片皮鴨都好有特色，主要原因在於提供更多片皮鴨既配料好似生蒜黃糖等等，鍾意試新嘢既你不妨一試。
不得不提係呢味鮑汁扣花膠露筍
花膠軟彈適中之餘，鮑汁既味道亦都入曬落花膠入面，應該幾考功夫。
跟住我地再叫左d點心食下好似春卷啊大蝦餃同埋一款幾特別既雞肉餃咁，食下食下都開始飽lu
甜品方面我地試左呢度既蛋白杏仁茶。呢度杏仁茶真係好足料，飲第一啖好香既杏仁味就湧曬出黎，正！食完甜品再chill多陣，歡樂既姐妹相聚時光就咁就結束左喇
Post
