滿樂中菜 (Closed)

第一次嚟戲曲中心，原來入邊有餐廳，仲有間幾高質既中菜！裝修靚，環境清靜，啲碗碟又干淨，好岩同家人黎食。夜晚叫左幾樣餸，每碟份量大，每款都足料，有誠意。蜜汁叉燒，厚切而且肉好嫩，食落去啖啖肉，好juicy，一啲都唔干，味道調得幾好，甜甜地又唔會過咸，值得嗌！海皇羹清清地又有鮮味，有蝦，韭黃，幾好咬口。鴛鴦胡椒局中蝦，呢個菜幾特別，用咗大量胡椒，香味十足！蝦大隻又新鮮，配埋啲汁幾夾。金瓜炒米粉，好足料，每啖都有餸，有蝦，蝦米，南瓜，椰菜，肉絲。最後仲叫左咖啡糕做甜品，味道清新，有咖啡味得黎又唔會死甜同好漏。