利苑酒家 (形點 I)

Open Now

Now Closed

利苑酒家食物質素一向評價幾好，今次嚟咗元朗分店同屋企人食飯，其中幾樣菜好味值得回訪！片皮鴨可以選一隻或半隻，切得大片皮薄而帶少許鴨肉，附上嘅 pancake皮微暖，而且就算想二食都只係加$50就可以選擇炒飯、炆茄子等唔同菜式，好抵！七味脆豆腐係炸豆腐粒，外皮香脆並且用七味粉調味，份量多都幾抵食我哋成家人最鍾意食嘅就係呢個冰燒三層肉，呢度嘅燒腩仔係我哋每次必嗌之選，肥肉瘦肉均衡，表皮香脆到爆，而且調味適中鹹香味濃，好好味！