Video
Read full review
2023-07-03
21 views
未夠鐘同朋友食飯，經過見到間裝修幾日本嘅居酒屋就入左去叫幾串串燒試下～去居酒屋梗係要叫酒啦，今次試咗佢個生姜啤酒，好濃嘅姜味好正！之後叫左幾串佢地嘅招牌串燒1）免治雞肉串 配新鮮生日本雞蛋黃醬汁呢個係佢地嘅經典招牌菜。攞起串燒稍微撈一撈個醬，咬落去外皮有燒烤既焦香 , 入面就依然多汁。個汁有好濃既蛋黃香，醬汁唔會太濃喧賓奪主，我地實在太鐘意所以留低左要黎點其他串食🤣2）焦糖甘薯串一串有兩件，師傅燒得好好，首先將甘薯放係爐上面燒，再係其中一面鋪滿砂糖，再用火槍燒到變成脆卜卜既焦糖！咬落去甘薯唔會太乾，甜甜地幾好食！3）雞皮串雞肝呢排好中意食燒雞皮，嚟到梗係要叫啦！即叫即燒都燒左成15分鐘😂好彩冇令我失望，每一粒都好脆卜卜🤤雞肝就燒到啱啱好唔會過熟，入口唔會腥，唔會乾，唔錯4)燒豆腐燒豆腐好好食！！！我本身唔係好中意食豆腐，但係呢個豆腐滑得嚟味道好夠，而且有少少炭燒味好香口，係今餐MVP👍🏻另外叫咗串雞肉，梅醬紫蘇黑豚同埋牛肋肉，不過就較為普通。整體嚟講我覺得嘢食嘅質素配合埋環境值得一試👍🏻
去居酒屋梗係要叫酒啦，今次試咗佢個生姜啤酒，好濃嘅姜味好正！之後叫左幾串佢地嘅招牌串燒
1）免治雞肉串 配新鮮生日本雞蛋黃醬汁
呢個係佢地嘅經典招牌菜。攞起串燒稍微撈一撈個醬，咬落去外皮有燒烤既焦香 , 入面就依然多汁。個汁有好濃既蛋黃香，醬汁唔會太濃喧賓奪主，我地實在太鐘意所以留低左要黎點其他串食🤣
2）焦糖甘薯串
一串有兩件，師傅燒得好好，首先將甘薯放係爐上面燒，再係其中一面鋪滿砂糖，再用火槍燒到變成脆卜卜既焦糖！咬落去甘薯唔會太乾，甜甜地幾好食！
3）雞皮串雞肝
呢排好中意食燒雞皮，嚟到梗係要叫啦！即叫即燒都燒左成15分鐘😂好彩冇令我失望，每一粒都好脆卜卜🤤
雞肝就燒到啱啱好唔會過熟，入口唔會腥，唔會乾，唔錯
4)燒豆腐
燒豆腐好好食！！！我本身唔係好中意食豆腐，但係呢個豆腐滑得嚟味道好夠，而且有少少炭燒味好香口，係今餐MVP👍🏻
另外叫咗串雞肉，梅醬紫蘇黑豚同埋牛肋肉，不過就較為普通。整體嚟講我覺得嘢食嘅質素配合埋環境值得一試👍🏻
Post
