塩玉居酒屋 (Closed)

放工同朋友聚會，朋友一早選定了這間居酒屋，環境寬敞，可以一路食住串燒飲番幾杯一路傾下計，呢到串燒好出名，用唔嘅鹽去調味。葱吞拿魚腩薄脆 店員推介話呢到好出名，吞拿魚腩蓉好多，滿滿油香，配左炸到脆卜卜嘅米通，口感豐富。辣酒煮花螺估唔到呢到有得食，花螺鮮甜肥美，都幾辣但好惹味。辣味松葉蟹蓋海膽石鍋飯有松葉蟹肉，海膽，蟹籽，攪拌好就可以，好鮮味，海膽入口即溶，蟹籽好脆卜卜。燒雞軟骨燒得好乾身，咬落爽口，加上香葱更香。醬燒豆腐豆腐十分嫩滑，醬汁香濃。燒鴨舌本身食開滷水鴨舌，原來燒都好好味。燒秋葵爽脆，咬落去仲好多汁。燒雞心好特別，我第一次食，好有咬口。