安安燒 (染布房街)

Open Now

Now Closed

位於旺角嘅人氣串燒熱點安安燒，除咗惹味串燒之外仲有好多款唔同嘅芝士撈丁，麵控必點，而且每一款性價比都幾高！🔸安安創意芝士蒜蓉撈丁安安嘅芝士撈丁濃味得來唔怕太油膩，用上三重芝士：車打芝士、藍芝士同巴馬臣芝士做出濃郁鹹香芝士醬，加入撈丁一齊食真係冇得輸！今次我哋揀嘅係芝士蒜蓉撈丁，分別在於加入大量生蒜蓉，撈埋芝士一齊香口而且超級好味，必試！！🔸惹味蒜蓉生燒茄子原條茄子開邊頭用蒜蓉燒，香口而且茄子肉已經燒至軟稔，份量仲好多🔸安格斯肉眼牛柳串牛肉份量本身唔係話好多，但每一件都好高質！燒過之有齊火燒後嘅香氣🔸燒鹿兒島豚肉串豚肉肉質都唔輸蝕，燒過後足夠油脂香，送啤酒一流🔸燒雞肉軟骨棒好似日式雞肉棒咁但軟骨比例都幾多，食落去口感一流🔸鹽燒鯖花魚一份三件鯖花魚鹽燒過之後魚皮好脆，但保持魚肉唔會燒得太乾，鹽度啱啱好🔸惹味沙茶燒金菇用個小瓦煲上枱好吸引，大量金菇加上沙茶醬一齊煮，又惹味又飽肚！🔸燒甜美菠蘿燒菠蘿點都好味，作為甜品剛剛好！