小田田主題餐廳 (Closed)

今晚去左太子果邊接朋友放工，之後佢介紹我黎間主題餐廳，佢話又平又新開～　睇MENU 都覺得唔錯，於是入去試下～ 我地一人點左一個餐, 每個餐都包一碗湯都一個包! 是日餐湯係南瓜忌廉湯，湯質濃稀適中，濃郁既南瓜味，而個麵包係粉紫色，食落口感軟熟，唔錯！點左個沙律蜜糖芥末醬豬手沙律，豬手咸咸地，沙律茱好新鮮，好FRESH =] 主食方面我就要個卡邦尼煙肉水波蛋蘑菇意粉，粒蛋煮得好靚，意粉滑溜，份量都幾多。朋友就點左烤韓國濟洲島黑毛豬BB豬鞍，唔好講笑，真係好有質素，它既脂肪分佈平均，而且非常多汁嫩滑，好值得推介！我地仲加左$38 食個煙肉芝士焗蠔，好JUICY蠔又唔腥 =] 仲有我地一人一杯野飲，OREO 朱古力奶昔同玫瑰野莓茶，跟餐都有半價，好抵！下次會再來！