嵐橋丼飯專門店 (Closed)

嵐橋丼飯主打刺身丼，仲有其他壽司、串燒、鍋物等。餐廳門口牆上有一幅鯉躍壁畫，店內用木傢俱陳設，裝修佈置充滿濃厚日本風情。真味海鮮丼 $268丼飯有9款食材😍包括原隻北海道帆立貝、磯煮鮑魚、松葉蟹鉗2件、中拖羅、油甘魚、真鯛、甘蝦、松葉蟹肉同三文籽🤭每款魚生刺身都新鮮肥美，鹹香既三文魚籽撈埋赤醋飯一齊食，味道好豐富，食到我耳仔郁郁。丼飯仲會跟一碗麵豉湯。韓式泡菜黑豚肉鍋 $208湯底辣度適中，黑豚肉脂肪層層分佈，入口即溶，肉質好鬆軟，配上温泉流心蛋後，口感更腍滑。葛絲煙韌滑溜，掛滿湯汁精華，熱燙燙。湯中的野菜豐富，有金菇、娃娃菜、冬菇，蘿蔔等，感覺清爽解膩。天婦羅盛合 $128有7款天婦羅，包括蝦、魚、秋葵、茄子、粟米、蕃薯、南瓜，粟米天婦羅炸左都係甜的☺️粉漿唔厚，炸得脆身而不油膩。薩摩赤雞腿肉 $34薩摩赤雞係使用天然殼物餵飼，肉質結實富彈性，口感嫩滑，味道濃郁。免治雞肉棒 $52焦脆的雞肉棒一口咬下去，雞軟骨不會太硬，一邊吃一邊卜卜作響，蘸住金黃色既生蛋黃食，令口感更滑順香濃。