Video
Read full review
2018-03-02
39 views
同事知道有間質素唔錯嘅火鍋店，就介紹我黎啦！我估呢度開業左唔係好耐，但係差唔多滿座。喺門口一路行入去嘅時候，見到佢間左兩間房，就八掛過去望吓啦，職員話呢一度有兩間房可以book，容納到十幾廿人，打通兩間房就超大！等我今晚試埋呢度啲食物質素好唔好先！OK嘅下次聚會就呢到啦！佢嘅餐單主要兩種，一個係海鮮鍋海鮮火鍋，而另外一個係藥膳鍋。飲品湯底我地叫左個花膠螺頭雞鍋！超掂！個湯好濃，似係煲左四五個鐘既老火湯！職員同我地講，趁個湯未lok其他野，要飲幾碗先！一飲發覺個湯真係超級掂！一飲就知道材料豐富，好多雞同埋花膠、螺頭。真係想飲晒佢，唔攞來做湯底。安格斯牛頸脊肥牛片，每兩位就有一碟。睇張相都見到有好靚嘅雪花，食落好鮮既牛肉味，肉質好嫩滑！呢一碟係手工墨魚讓豆卜、墨魚丸、豬肉丸、同埋芝心牛丸。每一樣都係手工制，食落好大彈牙呀。手工豬肉釀鮮冬菇、獅城魚美雲吞、韭菜餃、羊城水餃。雲吞同水餃都係細細粒唔會好大舊，一口過，用鮮豬肉製成，食落好鮮味。嚮鈴同炸魚皮都係每人一份，好鬆脆。炸魚皮有少少胡椒粉喺面，識落好香口！響鈴好大條，未食過咁長咁粗嘅響鈴！好鬆脆，但唔算好油膩。呢一個海鮮拼盤好大！材料好豐富
喺門口一路行入去嘅時候，見到佢間左兩間房，就八掛過去望吓啦，職員話呢一度有兩間房可以book，容納到十幾廿人，打通兩間房就超大！等我今晚試埋呢度啲食物質素好唔好先！OK嘅下次聚會就呢到啦！
佢嘅餐單主要兩種，一個係海鮮鍋海鮮火鍋，而另外一個係藥膳鍋。
飲品
湯底我地叫左個花膠螺頭雞鍋！超掂！個湯好濃，似係煲左四五個鐘既老火湯！職員同我地講，趁個湯未lok其他野，要飲幾碗先！
一飲發覺個湯真係超級掂！一飲就知道材料豐富，好多雞同埋花膠、螺頭。真係想飲晒佢，唔攞來做湯底。
安格斯牛頸脊肥牛片，每兩位就有一碟。
睇張相都見到有好靚嘅雪花，食落好鮮既牛肉味，肉質好嫩滑！
呢一碟係手工墨魚讓豆卜、墨魚丸、豬肉丸、同埋芝心牛丸。每一樣都係手工制，食落好大彈牙呀。
手工豬肉釀鮮冬菇、獅城魚美雲吞、韭菜餃、羊城水餃。雲吞同水餃都係細細粒唔會好大舊，一口過，用鮮豬肉製成，食落好鮮味。
嚮鈴同炸魚皮都係每人一份，好鬆脆。炸魚皮有少少胡椒粉喺面，識落好香口！
響鈴好大條，未食過咁長咁粗嘅響鈴！好鬆脆，但唔算好油膩。
呢一個海鮮拼盤好大！材料好豐富！係真正嘅海鮮大餐！佢有扇貝、青口、鮑魚、蠔、珍珠蚌同埋象拔蚌。每一種海鮮都好新鮮，好肥美。
除咗以上所叫嘅位上主菜外，仲可以任叫以下嘅火鍋配菜，包括有菜苗、生根、芝士丸、蟹籽丸、花膠、羊肉、牛肉、公仔麵、烏冬、番茄等等。配料好豐富，要菜有菜、要肉有肉，包保你會食到肚脹脹先至走。
蔬菜方面有好多選擇，包括有皇帝菜、油麥菜、菜心等。而最驚奇嘅竟然係有菜苗，食到佢兩三份菜苗都值回票價。
可以講呢一間係一個高質嘅火鍋店，雖然主菜同肉類都係按為上，但係佢個種類好多，一份都已經食到你好飽，再多叫多少少火鍋配菜，就已經好足夠！
最好嘅事佢呢一度唔係平時餐廳甘食90分鐘，係可以食足兩個鐘零30分鐘！真係估佢唔到！
係一間唔錯嘅火鍋，我都會推介朋友過嚟！
Post
