平昌 Premium (Closed)

呢日同男朋友見面，突然想吃燒肉。但如果兩個人散叫，叫到的款式唔會多，所以就選擇左任食韓燒，放題的形式就可以樣樣食 d。一坐低就有韓式前菜，芽菜好味。我最鐘意食韓式海鮮煎餅，平時單叫都唔平，呢度可以任食，當然要點來食啦。味道 okay, 我有 encore 😊 炒粉絲男友叫，我無食，佢好像話味道 okay。我好鍾意呢款烤牛肋骨肉，咬落好有牛香味。同埋呢款肉你望見肥瘦適中，唔會太肥，多食都唔會內疚。encore 之選。見到都可以烤海鮮，可以烤蠔、扇貝、鰻魚、魷魚等海鮮，都幾特別，食落都算新鮮。其他肉類如牛排骨肉，薄切五花腩等，薄切五花腩好易燒燶，大家都係揀返正常厚度的五花腩應該比較易燒。肉類味道都好，都新鮮，不過個人最喜歡上面提過的牛肋骨肉。另外魚叫炸蝦過下炸物口癮 😂每枱都有生菜一盤夾肉食，值得一讚。飲品款式都多、甜品主要係韓式雪條。