金鶴拉麵 (九龍城道) (Closed)

金鶴拉麵分店越開越多，最近去開土瓜灣逛傢俬舖，見附近開咗間新分店，當然要幫襯吓，食返一碗熱辣辣嘅拉麵暖吓個胃啦！每間金鶴拉麵嘅整體裝飾佈局都充滿著傳統日式設計，非常華麗高雅，土瓜灣店也不例外，餐廳設有兩層，下層以Bar枱為主，可以睇住拉麵師傅如何為自己製作一碗暖心的拉麵，而上層則為用餐區，座位寬敞舒適，甚有氣派！今期餐廳冇做期間限定推介，所以我點咗他們的皇牌拉麵：極濃雞白湯拉麵 $138拉麵湯底非常濃郁，並帶濃濃的雞骨香氣，店員話餐廳每日均用原隻鮮雞熬8小時而成，因此湯底看起來非常白滑，其精華就是天然的骨膠原，對健康及美顏非常好，是女士天然護膚補品。拉麵的麵條既有彈性，亦有口感，厚度和寬度也很適中，不會太細或太粗。至於配料方面亦非常豐富，除打卡賣相一流既炸牛蒡絲外，更包括有雞肉、豚肉、溫泉蛋、竹筍、木耳等。每種配料都非常新鮮，口感也很好。其中煮蛋更是煮得恰到好處，蛋黃流動，蛋白有嚼勁，非常美味。照燒帆立貝串燒 $68帆立貝烤得剛剛好，外表微微焦黃，內裡鮮嫩多汁，非常鮮甜入味。芥辣八爪魚 $38八爪魚拌上芥茉汁，讓其鮮味更特顯，囗感非常彈牙，肉質軟嫩且帶有著濃郁的海鮮味道。