金龍冰室 (Closed)

路過牛頭角道，見到這間金龍冰室轉咗名，也重新裝修過， 一於試試食物的質素有沒有不同。羅宋湯ok，蔬菜都有好幾種類。我們叫了牛扒炸蝦鐵板餐，有兩塊牛扒，4隻炸蝦，份量夠晒多，炸蝦上面雖然淋了汁，但仍很鬆脆，牛扒不過不失。另外，我們叫了鹹牛肉芝士玉子燒撈丁，配炸帶子。撈丁都是經常食，但做得好嘅沒幾多間。這間的撈丁我認為有90分，非常唔錯。 廚師煮麵的時間掌握得非常好，麵身有少少生骨，保持有明顯的波浪紋，我喜歡這感覺，食到最後一口麵仍保持彈牙。Good…其次是鹹牛肉蛋捲， 咸牛肉和蛋的比例非常匹配，火喉控制得非常好，中間嘅鹹牛肉夠熱，蛋的外皮夠滑，要做到這點，廚師必定花了不少心機。炸帶子都炸得剛剛好，這個餐整體很滿意。飲品叫了咸檸七，可惜咸檸得半粒，覺得味道不夠，如果有一整粒就更好了。