樓下冰室

Open Now

Now Closed

同朋友嚟到鰂魚涌覓食，第一站就係呢間樓下冰室。不嬲覺得茶餐廳、冰室係香港嘅核心文化之一，值得我哋捍衛同珍惜。呢間樓下冰室全港原來得兩間分店，如果我樓下都有呢間樓下冰室，我應該會係常客。入到去，餐廳侍應個個都好好禮貌、親切。餐牌好有港式味道，我毫無懸念地揀咗叉燒滑蛋飯、瑞士雞翼、芝士焗西蘭花，嘢飲方面我叫咗其他茶餐廳都比較少有嘅綠椰冰，朋友就揀咗紅豆冰。最後喺姐姐嘅力推之下，我試埋咗呢度嘅菠蘿冰。叉燒滑蛋飯，正！我本人口味就獨特啲，鍾意食瘦叉，餐廳正正就係選用瘦叉，健康又美味，就連鍾意食肥叉燒嘅朋友都覺得叉燒軟淋兼入味。醬汁、炒蛋同個飯都非常之夾！綠豆椰子沙冰，消暑解渴，美味！瑞士雞全翼，只係睇過色澤都知佢幾咁入味，好味！希望樓下冰室快啲向新界北進攻，等我唔使出到咁遠都有得食啦～～～