Video
Read full review
2021-05-29
730 views
久唔久食餐好嘅係辛苦工作嘅推動力～ 😁 今日提早放工約咗屋企人食日本菜。 揀咗銅鑼灣利園嗰邊「鮨金和食料理」， 刺身，壽司係非常出名～安排坐喺壽司檯位置， 可近距離睇住大廚炮製各款料理～Omakase 有幾款選擇， 價錢由九百多到千多元， 也有單點， 商量過決定叫廚師發板， 係預算中嘅budget～ 坐定定等師傅發板食好嘢。前菜：支豆豆腐， 好特別有豆香又有豆腐味 。鴨胸，梅貝（東風螺）， 自家製醬油煮過， 螺肉 好爽好入味。蟹肉蒸蛋， 蟹肉個汁令蒸蛋好滑， 蟹味豐富濃郁。一系列自家製渍物， 有心思，味道獨特。綠色嘅係日本炸菜， 好特別好爽，冇中國榨菜咁鹹， 還有新鮮菜頭嘅味道。 還有紫蘇葉蘿蔔卷， 牛蒡蘿蔔卷， 爽脆口感，味道超豐富！醃漬過嘅蒜頭完全冇蒜辣味，爽口清新，酸酸地好開胃!《紫霞》這款廚師發板，有近24道菜， 應該係我人生中食過最多款及最頂級刺身的一次～油甘魚鮫薄切真幸運，飛機貨啱啱返， 坊間比較少有， 唔係用嚟燒， 專業大廚在這刁鑽矜貴嘅部位薄切出油甘魚， 呢個係極高難度。 入口香甜， 啖啖回甘， 肉質柔軟冇筋，完全唔似食緊魚肉， 絕對有驚喜！日本武士蠔有手掌咁大， 目測
久唔久食餐好嘅係辛苦工作嘅推動力～ 😁 今日提早放工約咗屋企人食日本菜。 揀咗銅鑼灣利園嗰邊「鮨金和食料理」， 刺身，壽司係非常出名～
安排坐喺壽司檯位置， 可近距離睇住大廚炮製各款料理～
Omakase 有幾款選擇， 價錢由九百多到千多元， 也有單點， 商量過決定叫廚師發板， 係預算中嘅budget～ 坐定定等師傅發板食好嘢。
前菜：
支豆豆腐， 好特別有豆香又有豆腐味 。
鴨胸，梅貝（東風螺）， 自家製醬油煮過， 螺肉 好爽好入味。
8 views
0 likes
0 comments
蟹肉蒸蛋， 蟹肉個汁令蒸蛋好滑， 蟹味豐富濃郁。
一系列自家製渍物， 有心思，味道獨特。
綠色嘅係日本炸菜， 好特別好爽，冇中國榨菜咁鹹， 還有新鮮菜頭嘅味道。 還有紫蘇葉蘿蔔卷， 牛蒡蘿蔔卷， 爽脆口感，味道超豐富！
醃漬過嘅蒜頭完全冇蒜辣味，爽口清新，酸酸地好開胃!
《紫霞》
這款廚師發板，有近24道菜， 應該係我人生中食過最多款及最頂級刺身的一次～
油甘魚鮫薄切
7 views
0 likes
0 comments
油甘魚鮫薄切
真幸運，飛機貨啱啱返， 坊間比較少有， 唔係用嚟燒， 專業大廚在這刁鑽矜貴嘅部位薄切出油甘魚， 呢個係極高難度。 入口香甜， 啖啖回甘， 肉質柔軟冇筋，完全唔似食緊魚肉， 絕對有驚喜！
日本武士蠔
12 views
0 likes
0 comments
日本武士蠔
有手掌咁大， 目測已經垂涎三尺， 肉厚肥美， 入口是絕對creamy， 有海水味， 鮮甜回甘～～
螺片
10 views
0 likes
0 comments
螺片
就喺魚缸撈上嚟， 生猛仲識旭～
好爽，充滿濃郁嘅貝類鮮味！
龍蝦刺身
2 views
0 likes
0 comments
龍蝦刺身
也有很久沒有吃龍蝦刺身， 差點忘記佢嘅味道同質感。 咁啱可以同喺魚缸撈出嚟嘅龍蝦影相， 即劏即做刺身， 非常新鮮。 師傅準備了一人份量填滿龍蝦殼 。肉質爽爽地， 味道好清， 也可以蘸師傅準備嘅竹炭鹽提升鮮味。
深海池魚背， 深海池魚腩
2 views
0 likes
0 comments
深海池魚背， 深海池魚腩
有幸今晚師傅準備了深海池魚， 是我的最愛～ 完全唔腥， 精瑩通透， 柔軟又富彈性的肉質，魚油極之豐富， 每一口都感受到魚肉嘅香～ 深海池魚腩肥美更上一層～
吞拿魚下巴
3 views
0 likes
0 comments
吞拿魚下巴
也是比較罕有部位， 燒過嘅吞拿魚下巴更凸顯魚肉嘅鮮香。
池魚他他
這是细條品種嘅池鱼， 肉質軟身少少， 魚味好重，以薑蔥蓉醬油拌勻是另一種風味。
左口魚包吞拿魚蓉卷
5 views
0 likes
0 comments
左口魚包吞拿魚蓉卷
7 views
0 likes
0 comments
左口魚包吞拿魚蓉卷
把左口魚薄切包著吞拿魚蓉， 雙重口感。 左口魚肉質較結實， 吞拿魚唔使講都係高質油潤 入口即溶。
鹽水海膽杯
8 views
0 likes
0 comments
鹽水海膽杯
以海水浸著密封包裝的日本馬糞海膽， 味道冇咁濃郁甘甜，另一種食法。防腐劑較少保質期較短所以成本會較高！
白貝
6 views
0 likes
0 comments
白貝
燒得啱啱好， 白貝肉質好爽好鲜甜，完全唔韌。
黄魚
師傅興之所至， 預備了傳統的黄魚～ 肉質較鹹帶酸，魚味極濃郁所以感覺到有點腥， 也正是這品種令人愛極之處， 師傅仲話會食上癮！
墨魚壽司
2 views
0 likes
0 comments
墨魚壽司
極度推介， 厚厚的墨魚竟然有入口即融嘅感覺。
大拖羅
11 views
0 likes
0 comments
大拖羅最終也現身～
那種肥美， 柔潤嘅口感味道， 係冇其他嘢可以代替～ 入口瞬間融化～滿口魚油香， 還加上魚子醬點輟，絕對係極品中嘅極品！
左口魚裙邊炙烧
2 views
0 likes
0 comments
左口魚裙邊炙烧
炙燒過的左口魚裙邊逼出少少油分依然肥美， 質感軟熟弹牙。
2 views
0 likes
0 comments
最後以鯛魚湯作結尾， 奶白色嘅魚湯清甜無比～
吃了很多道刺身， 竟沒有重複嘅感覺， 經驗豐富的師傅巧妙地安排每道菜的鋪排， 不時也講解做法及食材嘅由來～ 又長知識了～
飯後嘅時令水果， 當然也是日本直送。 哈密瓜和梨子。 味道濃郁的蜜瓜甜到融化。
再來一客飯後甜品， 開心果雪糕， 絕對滿足的一餐～無論食材質素，新鮮程度，口味，賣相，餐廳環境，都值這囗價錢～
Post
