Video
Read full review
2019-04-07
461 views
想同朋友試吓新火鍋店，於是問吓同事有咩好介紹，同事話試咗間新開嘅唔錯 ，我同朋友決定呢晚試吓先。火鍋店原來仲係試業中，有全單68折優惠，我哋一於食到盡! 火鍋醬料係自行調較嘅。見到刺身都有唔少選擇，於是叫咗日式刺身拼盤，有三文魚、油甘魚、鯛魚，每款魚生都好肥美，食落肉質唔會軟軟的，入口就知道佢哋好新鮮。另外，我好耐都無食過龍蝦刺身，所以忍唔住叫咗個龍蝦活魚刺身，裡面有美國龍蝦仔、立魚，上枱時龍蝦頭仲識郁，龍蝦肉食落爽甜，有一陣海水回甘嘅鮮味，雖然龍蝦仔唔算好大隻，但都有好多肉，真係好好味! 另外，立魚刺身食落都彈牙有口，有魚鮮味，係新鮮魚先會有嘅味道，呢個拼盤性價比好高，勁正! 火鍋湯底有好多選擇，我哋揀咗銀湯腿翅鍋，嚟到真係好驚喜，啲翅係嚟到之後，喺你面前加落啲湯度，翅針都幾粗吓，可以輕易夾到，食落爽滑彈牙，雞湯香濃，飲落膠住個口，我同朋友飲咗好幾碗，之後先開始打邊爐! 因為朋友唔食牛，所以叫咗個豬八戒拼盤，當中有本地黑毛豬、豬下青、粉腸、豬肺、豬肚，樣樣都有啲，可以豬嘅唔同部位都食晒，黑毛豬食落有豬肉香味，豬下青淋滑，而內臟都洗得好乾淨，無膻味，唔錯! 手製四寶餃有黑松露帶子餃、
火鍋店原來仲係試業中，有全單68折優惠，我哋一於食到盡!
火鍋醬料係自行調較嘅。
見到刺身都有唔少選擇，於是叫咗日式刺身拼盤，有三文魚、油甘魚、鯛魚，每款魚生都好肥美，食落肉質唔會軟軟的，入口就知道佢哋好新鮮。
另外，我好耐都無食過龍蝦刺身，所以忍唔住叫咗個龍蝦活魚刺身，裡面有美國龍蝦仔、立魚，上枱時龍蝦頭仲識郁，龍蝦肉食落爽甜，有一陣海水回甘嘅鮮味，雖然龍蝦仔唔算好大隻，但都有好多肉，真係好好味! 另外，立魚刺身食落都彈牙有口，有魚鮮味，係新鮮魚先會有嘅味道，呢個拼盤性價比好高，勁正!
火鍋湯底有好多選擇，我哋揀咗銀湯腿翅鍋，嚟到真係好驚喜，啲翅係嚟到之後，喺你面前加落啲湯度，翅針都幾粗吓，可以輕易夾到，食落爽滑彈牙，雞湯香濃，飲落膠住個口，我同朋友飲咗好幾碗，之後先開始打邊爐!
因為朋友唔食牛，所以叫咗個豬八戒拼盤，當中有本地黑毛豬、豬下青、粉腸、豬肺、豬肚，樣樣都有啲，可以豬嘅唔同部位都食晒，黑毛豬食落有豬肉香味，豬下青淋滑，而內臟都洗得好乾淨，無膻味，唔錯!
手製四寶餃有黑松露帶子餃、手製韭菜餃、手製水餃、白菜餃，4款都好足料，粒粒都爆晒餡咁，黑松露餃嘅黑松露味勁香，見到有黑松露碎，韭菜餃嘅韭菜味勁香濃，多菜少肉，水餃加咗筍絲，食落多一份爽脆，白菜餃食落很清新，都係多菜少肉，4款餃嘅質素都好高，真係好好食!
食咗咁多肉，緊係要食返啲菜平衡吓，我哋叫咗油麥菜，啲菜好爽甜!
因為打邊爐難免會熱氣，所以叫咗紫貝天散葵，飲落酸酸甜甜，既解渴解膩，又可以清熱，邊飲邊食火鍋就最舒服!
餐廳職員有禮，仲會不時主動加茶，無論係火鍋配料、湯底，又或係刺身，所有食物水平都好高，而且呢餐埋單有68折，性價比好高，遲啲會再約家人過嚟打邊爐。
Post
