星海．譽宴 (鱷魚恤中心)

Open Now

Now Closed

疫情期間去酒樓食，其實都令人安心的，因為每木台之間的距離好大。今次同客人來官塘譽宴，兩個人坐了在台前的2人枱，真係好好的安排。午餐時間都唔少食客，不過空間足夠，所以空氣流通而且坐得舒服。午市套餐$318/位全包，見都幾多野食，就費時傷腦筋了~先來一個點心拼盤，都幾精緻，而且都有四個款式。熱騰騰都好好食，特別蝦餃做得唔錯，皮薄蝦好爽。之後來個燒味拼盤，好似西餐咁分了兩份，有燒腩仔、海哲及叉燒，我最愛燒腩仔，個皮好脆。而且唔太肥，好食。再來一個豐料老火湯，哇有花旗參味呢，另外有大雪耳，好滑而且湯又唔油，午餐有個湯飲，即刻升格左好多。杭州香醋一口骨，酸酸的好好送飯，排骨香脆可口，而且味道好開胃，配上乾隆石鍋炒飯，令人好滿足呢~呢個就是乾隆石鍋炒飯，好大鍋~而且都好多料，炒得好干身，飯好爽口，而且元貝又多又甜，高質的炒飯~!實在太大份，為免浪費我地打包了~~~甜點有椰汁糕，輕輕的剛好中和了之前食的炒飯。捧住肚子，呢到好坐食物質素都高，是午餐宴客好地方。