醉忘魚屋 (Closed)

店名: 醉忘魚屋地址: 銅鑼灣登龍街28號永光中心13樓銅鑼灣站B出口，行2分鐘環境: 4/5價錢: 4/5味道: 4.5/5銅鑼灣一向好多嘢食，今次同朋友黎到永光中心13樓新開嘅居酒屋，佢哋嘅午市套餐包左前菜、沙律、味增湯，份量大之餘食材質素都好高，下次有機會一定要黎食dinner😌前菜、沙律、味增湯前菜有豆腐菠菜、茶碗蒸、胡麻鯖魚等，茶碗蒸滑溜且蛋味香，鯖魚新鮮魚味濃🙈醉忘精選 10 貫壽司配烏冬❤️❤️❤️❤️❤️$198有燒拖羅、真鯛、左口魚邊、帆立貝、三文魚、蟹肉等，全部都超新鮮，並非一般質素😋當中真鯛、帆立貝、蟹肉最驚豔，真鯛有咬口，經過調味更能突出魚鮮味😗帆立貝超大粒，上面嘅柚子醬令整體層次更有提升🤩蟹肉份量多，入口有成一半都係蟹肉，有海水味得黎食得出非常新鮮😝日式咖哩吉列豬扒❤️❤️❤️❤️❤️$98店員介紹佢地嘅豬扒同出面嘅唔同，出面通常用黑毛豬，佢哋係採用栗子豬，以栗子作主食去餵飼豬隻😮食落無豬騷味之外，仲有淡淡嘅栗子味，加上軟腍嘅薯仔同蘿蔔，醒上咖哩汁撈飯食，超正‼️