八吉 (Closed)

八吉係我嘅waiting list入邊已經好耐架啦 今日食晏嘅時候無意中行到去亞士厘道又想食日本菜，見到個招牌寫住八吉，以為大吉開咗第二間分店，因為一直以為八吉位置係喺尖沙咀嘅另一邊🤭係冇特別嘅安排之下都食到自己心儀想食嘅餐廳 八吉既午餐價錢係尖沙咀區來講屬於偏貴，但係相信食過嘅人唔會在意價錢，因為真係值得。八吉既環境同一般日本居酒屋差不多。其中一個午餐叫咗牛肉烏冬 壽司定食四件壽司都感覺得到佢嘅手切工係唔錯嘅，可能係我自己用筷子嘅姿勢唔正確亦都有可能佢哋既手握力度唔夠，壽司嘅飯好容易散。但係依四件壽司每一件都令我覺得好值得用呢個價錢食午餐。每件壽司你一定唔會食到又有新鮮或者係醒既味道，其中拖羅壽司我淨係食咗半啖，魚油已經係我嘅嘴唇慢慢入喉嚨呢間餐廳入既刺身海鮮的確新鮮午餐除咗四件壽司仲有牛肉烏冬，湯底我稍為重咸味 每個午餐都會附送蒸蛋同前菜，蒸蛋係我每次食日本菜都好期待這菜式，而八吉既蒸蛋就唔啱我既口味，入面有好多綠色嘅蔥而另外嘅刺身丼飯每件刺身都真係好新鮮，亦都唔係博切嗰種。