碗屋 (Closed)

今日同同事食高級午餐，去左中環 The L Place 碗屋。 好耐之前食過晚餐一次，感覺就係高級貴價的日本菜。午餐餐牌好多選擇，有成14款， 我就點左個 $238 銀鱈西京燒定食配茶碗蒸蛋。 銀鱈魚煎得剛剛好，外脆內軟， 魚肉又白又滑， 重有成口鱈魚香味。 材料上乘， 好味，值得推薦。用黎送飯真係可以食多幾碗。 之後再試下個茶碗蒸蛋，蛋味香濃， 又係又滑又香。雖然2百幾蚊個lunch, 但係都值得既。下次要再試埋其餘果13款午餐。