The Oyster House (Moved) New Location

約了朋友在灣仔食午餐，因為之前朋友食過覺得環境氣氛及味道質素等等都不錯，所以就推介我去試試。午餐人流不算太多，侍應是外藉人士但識講少少廣東話，介紹午餐可以另外加錢食新鮮生蠔，最後跟朋友一人點了一個午餐開心分享，一個客湯，一個沙律前菜。烤焗北海道豚肉扒伴精選配菜，炭燒西冷牛扒伴精選配菜。豚肉扒出奇地嫰滑，肉汁好多好有豬味，牛扒有炭香味，5成熟入口肉質軟嫰。生蠔非常新鮮，淡淡海水味，蠔味濃。甜品方面，點了一客香蕉拖肥批和是日甜品，是芝士蛋糕，兩款甜品都好高質，好好味又不會太膩。