鮨金和食料理 (Closed)

無得去日本旅行唯有係香港食餐好D的餐廳慰勞一下辛苦左一年的自己！之前同朋友慶祝生日的時候已經食過鮨金，對呢間餐廳的質數絕對有信心。今次我叫做16道菜的厨師發版，首先有前菜，蟹肉蒸蛋，10件壽司，甜品湯等等。今日前菜是鴨胸，枝豆豆腐和梅貝！前菜擺放得非常精緻。首先吃了5款的壽司，包括有左口魚，深海池魚，白蝦，北寄貝和赤身。5款都是味道較清的壽司，左口口感結實，魚油非常豐富味道鮮味甘香深海池魚肉質肥美，口感柔韌帶點嚼勁，而北寄貝味道非常鮮甜。赤身是醃漬過的吞拿魚，赤身沒有太多的脂肪，口感較滑溜柔軟。然後師傅比左靜崗番茄我地清一清口腔再食另外5款壽司。另外5款有銀雪魚，赤鹿魚，安康魚魚肝，海膽和關青魚。銀雪魚經過火灸後鱼香扑鼻，魚肉質感柔軟細棉正啊！而家呢個季節剛好有安康魚魚肝，魚肝原本比較肥，但師傅巧妙配搭青瓜漬，令整體的味道得以平衡而且更添口感。海膽鮮甜，口感細膩入口即溶！關青魚我都係第一次食！，關青魚的口感柔韌但帶有嚼勁，而魚的味道也較爲濃，感覺不錯。最後更有和牛煮物，鯛魚湯和日本蜜瓜！！是令人滿足額一餐。