Video
Read full review
2021-07-07
339 views
依間餐廳前一排我都成日聽到，知佢有兩間分店，不過一直未有機會試。咁啱同朋友旺角食飯，朋友之前食過話覺得高質，建議不如再嚟食。餐廳裡面其實都算細，不過覺得佢啲裝修環境都唔錯，有種cozy感覺。佢嘅餐牌選擇唔算好多，但望落就樣樣都幾吸引，價錢亦適中，都係$100以內。📍黑椒手撕豬肉三文治配薯條 ($78)首先一嚟到已經覺得佢嘅賣相唔錯，啲薯條勁好食，新鮮炸起熱辣辣，同埋我覺得調味唔錯(估可能係加左鹽、香草?!)，我完全係一條接一條食無停過手😂 至於主角麵包都整得好出色，麵包有烘過所以食落都算脆，pulled pork煮得幾淋，配埋啲酸酸甜甜嘅醬汁好開胃，覺得成個配搭好match。因為同朋友share所以每人都唔係分得好多，食完之後依然覺得意猶未盡，想encore。📍黑松露雜菌寬條麵($88)依個寬條麵一嚟到已經見到好多汁，好creamy，見佢雜菌份量都頗多而且仲有啲芝士喺面，賣相吸引。食落都好重黑松露嘅味，同埋寬麵掛汁力都好強，食落香口。我覺得幾足料，值得依個價。📍番石榴檸檬蘇打($36)另外再叫咗杯飲品，見有好多選擇，雖然覺得咖啡拉花好吸引，不過最後都係揀咗飲凍野。平時比較少食番石榴，所
餐廳裡面其實都算細，不過覺得佢啲裝修環境都唔錯，有種cozy感覺。佢嘅餐牌選擇唔算好多，但望落就樣樣都幾吸引，價錢亦適中，都係$100以內。
📍黑椒手撕豬肉三文治配薯條 ($78)
首先一嚟到已經覺得佢嘅賣相唔錯，啲薯條勁好食，新鮮炸起熱辣辣，同埋我覺得調味唔錯(估可能係加左鹽、香草?!)，我完全係一條接一條食無停過手😂 至於主角麵包都整得好出色，麵包有烘過所以食落都算脆，pulled pork煮得幾淋，配埋啲酸酸甜甜嘅醬汁好開胃，覺得成個配搭好match。因為同朋友share所以每人都唔係分得好多，食完之後依然覺得意猶未盡，想encore。
📍黑松露雜菌寬條麵($88)
依個寬條麵一嚟到已經見到好多汁，好creamy，見佢雜菌份量都頗多而且仲有啲芝士喺面，賣相吸引。食落都好重黑松露嘅味，同埋寬麵掛汁力都好強，食落香口。我覺得幾足料，值得依個價。
📍番石榴檸檬蘇打($36)
另外再叫咗杯飲品，見有好多選擇，雖然覺得咖啡拉花好吸引，不過最後都係揀咗飲凍野。平時比較少食番石榴，所以今次就試下杯番石榴檸檬蘇打。番石榴嘅味道都幾明顯，不過反而唔係好飲到檸檬嘅味道，如果再重啲檸檬味會更好，但整體嚟講都幾fresh。
我覺得依間餐廳食物質素唔錯而且又唔算貴，cp值都高。同埋聽講佢嘅menu係會間唔中轉，所以都令我有啲期待下次嚟食嘅話會有咩其他菜式，遲啲如果約frd聚餐都會再揀嚟依度食。
Post
