慢理牆城

Open Now

Now Closed

今晚終於黎左呢間一直bookmark 左好耐的餐廳食飯啦，見到佢個Xmas Menu幾吸引，就一於趁聖誕節前先感受一下聖誕氣氛先。美式甜辣香脆雞翼點了四隻，每隻都大大隻，入口脆卜卜，入面仲keep到好juicy，個汁辣度剛剛好，好惹味🤭🤭青醬帶子扁意粉有三大粒煎香左的帶子，意粉煙韌度做得剛剛好，每條意粉都沾滿左青醬。香煎三文魚配香橙忌廉芝士汁三文魚煎到個皮好香脆，魚肉仲keep到嫩滑，忌廉汁好香濃，帶少少甜味，上面配的香橙仲用焦糖再燒過，好香。薑餅咖啡個拉花拉得幾靚，入口先係咖啡味，再飲真啲會有好香的薑味，冬天飲真係好暖笠笠😍😍烏龍茶慕絲蛋糕配焦糖蘋果粒一上枱就feel到好濃厚的聖誕氣氛，整到好似棵聖誕樹咁，佢個cream超香滑，又唔會過甜，配上好香的食完烏龍茶蛋糕，真係會想食完一啖又一啖，呢個大推呀。👍👍呢度環境好舒服，而且職員非常主動又有禮貌。