初心冰室 (Closed)

啱啱行完金魚街諗住搵嘢食，見到間嘢個名幾得意，又咁啱想食西餐，就二話不說拉咗我朋友入去食。餐廳嘅裝修都幾特別，牆身都掛上同交通有關係嘅裝飾。分別嗌咗兩份晚餐，有餐湯、主菜同埋飲品。首先上枱嘅係酥皮餐湯。 見餐湯加十蚊就有得升級做酥皮，就當然要試下。酥皮係啱啱焗好嘅，所以上枱嘅時候都仲好暖。酥皮嘅牛油比例好好，上枱已經聞到好香嘅酥皮味，而且仲好脆。芝士焗西蘭花+蜜汁炸單骨雞翼只係需要加25蚊就可以換購小食，所以就嗌咗一份當係餐前小食。單骨雞翼食落真係好方便。香草芥末籽燒紐西蘭羊扒配燒汁估唔到呢度都食到咁精緻嘅羊扒，羊扒嘅表面煎得好香脆，既唔會有燶，而且食落亦都好脆口同唔會有好大羶味。烤美國穀飼西冷扒配黑松露野菌汁西冷扒揀咗三成熟。餐廳亦都處理得好好，既唔會太生，又保留到西冷扒嘅肉汁，食落肉質亦都好鮮嫩，完全唔會有太老嘅感覺。白牛同行朋友嗌咗杯白牛，恕我孤陋寡聞，原來白牛就係七喜配雲呢拿雪糕。 都比較少見有餐廳提供呢款嘢飲。食到最後，原來仲有雪糕糯米糍作甜品，為呢餐晚餐畫上完美句號。