木玥巷 (Closed)

相信好多人都聽過呢間高質台式小店～我都食過好多次，屯門元朗店都去過。今晚出街食飯想食牛肉麵，近近地就緊係嚟木玥巷啦台式炸物拼盤有四樣小食：鹽酥雞、甜不辣、四季豆同杏鮑菇。即叫即炸，樣樣都好熱食嘅時候小心啲呀～仲會跟個酸甜柚子汁，做小食頭盤十分開胃👍🏼台式三杯雞甜甜嘅醬汁加埋九層塔，色香味俱全啦🤣雖然嚟過好多次，但第一次食三杯雞，所以比較唔到。但呢個三杯雞好好食，仲啖啖肉🤤樹子炒水蓮有水蓮嘅地方緊係要嗌水蓮啦！未試過嘅朋友一定要試下，口感好正木玥招牌紅燒牛肉麵呢到嘅紅燒牛肉麵一定必試！牛肉厚身又腍，仲有牛筋。湯底好香濃仲有淡淡嘅藥材味。除咗跟兩大舊紅白蘿蔔，湯底都飲得出係有落重料熬。飲晒都唔會口渴證明無落味精！仲有，大家記得要配酸菜食🤤呢到嘅飲品都好受歡迎架，有大大杯水果菜，不過今次我就無試啦，已經好飽🤣食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️(五⭐️為最高分數)