寬巷子 (Closed)

今日係冬至，我哋想試下高質素嘅火鍋，見到好多評語都話寬巷子唔錯，所以就選擇咗寬巷子試吓。因為有海港城coupons而且地點方便，係一個唔錯嘅選擇。我哋準時6點到達餐廳門口，職員好快安排我哋入座，呢個時間餐廳都唔算好多人，應該得一半枱有人。首先我哋揀咗一個鴛鴦火鍋底，因為第一次黎食所以想試多d 東方美人 & 椰皇雞，2款湯底都用料十足，各有不同。東方美人湯底味道比較清淡，湯底有豆腐尚算唔錯；而另外椰皇雞味道就比較濃烈，有椰子香味非常美味而且有半隻雞，雞肉好嫩滑可口。今晚的重點就係上等和牛盛合，包括日本和牛，澳洲和牛，仲有牛舌。非常有肉味，喜歡食牛的朋友真係要試下。綜合菌菇好新鮮，配上湯底更入味。墨條牛軋味道都唔錯，可見手工精緻，擺設美麗。枝仔冰賣相靚但味道一般，試一次就夠了。水果茶夠入味，係真水果茶不是糖漿的甜而係水果的清甜總結而言餐廳的食物都算高質素，手工賣相係做得唔錯。價錢尚算合理，對住維港海景吃火鍋真係一大享受。