嘆嘆 (Under Renovation)

上次食完韓閣見到隔離餐牌食台灣野，所以又嚟多次🤭-嘆嘆套餐C-套餐包括一份主食、飲品及甜品✨嘆嘆招牌牛肉麵呢個好好食，首先湯底顏色深牛味超濃，牛肉大舊，牛肉肉質和配料白蘿蔔紅蘿蔔煮得超淋身好易咬開。呢碗牛肉麵條偏扁身，麵質有少少煙靭度，有咬口得嚟又吸到湯底精華✨清零消脂手工花茶花茶主要香味來自玫瑰和菊花，好清新，沒有其他添加物，如果想多少少甜味又可以自行加上另上的蜜糖。茶壺放在蠟燭上保溫，飲到食完餐飯仍保持溫度，好貼心。✨3.6 牛乳黑糖芋圓特盛好大碗，兩個人食完主食再分都食唔晒！碗料豐富，最底有黑糖刨冰，面層佈滿芋圓、紅豆、珍珠、麻薯和牛奶雪糕，全部味道都好夾，最鍾意係牛奶雪糕球奶味好香好滑！另外加配✨花雕醉蝦（3隻）蝦肉好爽夠晒彈牙，酒味好香夠入味✨夢淡紫配淺藍色的確像夢一樣夢幻，味道其實係士多啤梨乳酪刨冰，甜度適中。✨芒果布丁凍牛奶
各款布丁可選配3款配料，最後要咗芋圓、紅豆鯛魚燒及芒果雪糕，布丁好Q彈，芒果味都夠濃。