圓山台灣料理 (Closed)

今日同成班朋友係尖沙咀行完街，行完之後覺得有啲餓，就去左呢間圓山台灣料理食飯。我地叫左一個台灣炒新竹米粉，一個圓山招牌炒飯，一個三杯雞，再加咗個自選八道風味菜餐。炒新竹米粉炒得非常好吃，米粉爽，配料足，鑊氣夠，很不錯。圓山招牌炒飯就更加出色，豉油上色上得十分好，米飯顆粒分明，有咬口有口感，另外配料比例啱啱好，增加左炒飯口感上嘅層次，亦唔會喧賓奪主，不愧為招牌炒飯！三杯雞方面亦都整得好正，佢用個鐵碗去裝住三杯雞，三杯雞入面有香葉，蒜頭等既配料，食落好有鑊氣。三杯雞整得唔會過甜，香氣十足，非常不錯！呵仔煎入面蠔既份量十足，而且好厚。入面有葱，煎出嚟更加香。鹹蛋蒸肉餅嘅形狀好特別，佢係圓柱形的。肉餅食落好好食，肥豬肉同肉嘅比例啱啱好，唔會太多唔會太少，食落有口感，唔會好冧，更有豐富嘅肉汁，餸飯食一流。咕嚕肉亦都唔錯，肉炸得幾脆，汁帶酸味，均勻地黏附喺肉嘅表面。鹽酥雞炸得好香脆，雞肉保存到肉汁，一口一粒，配啤酒一流！東坡肉入面嘅五花腩好肥美，脂肪同肉一層一層咁，再吸收晒醬汁，每一口都極邪惡。肉碎炒四季豆亦都做得唔錯，食落大喊香，配埋肉碎增加口感，非常不俗。炒鮑魚亦都好好食，鮑魚有口感，味道同醬