Video
Read full review
2020-09-27
53 views
最近芝士牛丼好受歡迎，我向來都好鍾意食牛肉飯，但向來食嗰啲都係好普通嗰啲。今日經過尖東附近做嘢，食lunch就決定試間比較高級嘅牛肉飯（啱啱出糧，可以豪啲），睇下同其他嘅有幾大分別同值唔值得再試。賀. 溫泉玉子、照燒宮崎和牛丼哈哈，大概係我人生點過最貴嘅牛肉飯，不過好正嘅係真係超級好味！！佢嘅lunch set 包埋前菜、茶碗蒸、味噌湯同埋甜品，所以肯定夠飽先。-前菜 - 胡麻醬菠菜沙律有冇人同我一樣好憎食菠菜... 一開始見到係菠菜，好抗拒同面有難色咁點頭，點知完全冇嗰種好怪嘅澀味，竟然係好爽脆！再加埋啲麻醬，好好食：）-茶碗蒸茶碗蒸看似係普通嘅蒸蛋，但其實比想像中難，要避免到汗水唔好上面有泡，要滑得黎唔會好水，所以時間要好好掌握。尼度嘅茶碗蒸就取得平衡，佢質感滑溜，唔會好實。佢用鰹魚湯帶出咸味同鮮味，再以味醂帶出甜味，同令佢唔會起糊狀。最後，跟其他餐廳唔同，佢加上𩶘魚，更加鮮甜。-主菜 - 溫泉玉子、照燒宮崎和牛丼A4級嘅日本和牛，我之前食嘅和牛都係燒肉、扒類，但第一次試係以牛肉飯嘅做法。啲牛肉肥瘦得宜，唔似其他牛肉飯咁一係就一舊好多肥肉一啲就好瘦咁（當然一分錢一分貨）。而且啲肉質
賀. 溫泉玉子、照燒宮崎和牛丼
哈哈，大概係我人生點過最貴嘅牛肉飯，不過好正嘅係真係超級好味！！佢嘅lunch set 包埋前菜、茶碗蒸、味噌湯同埋甜品，所以肯定夠飽先。
-
前菜 - 胡麻醬菠菜沙律
有冇人同我一樣好憎食菠菜... 一開始見到係菠菜，好抗拒同面有難色咁點頭，點知完全冇嗰種好怪嘅澀味，竟然係好爽脆！再加埋啲麻醬，好好食：）
胡麻醬菠菜沙律
3 views
0 likes
0 comments
-
茶碗蒸
茶碗蒸看似係普通嘅蒸蛋，但其實比想像中難，要避免到汗水唔好上面有泡，要滑得黎唔會好水，所以時間要好好掌握。尼度嘅茶碗蒸就取得平衡，佢質感滑溜，唔會好實。佢用鰹魚湯帶出咸味同鮮味，再以味醂帶出甜味，同令佢唔會起糊狀。最後，跟其他餐廳唔同，佢加上𩶘魚，更加鮮甜。
茶碗蒸
6 views
0 likes
0 comments
-
主菜 - 溫泉玉子、照燒宮崎和牛丼
A4級嘅日本和牛，我之前食嘅和牛都係燒肉、扒類，但第一次試係以牛肉飯嘅做法。啲牛肉肥瘦得宜，唔似其他牛肉飯咁一係就一舊好多肥肉一啲就好瘦咁（當然一分錢一分貨）。而且啲肉質好鬆軟同入味，牛肉要煮一段長時間，所以好容易變韌，但可能係和牛啦，就仲係好滑。醃肉嘅醬油適中，唔會蓋過牛肉本身嘅味道。而溫泉蛋就更加係畫龍點睛嘅作用，我整穿左隻蛋，將佢同牛肉飯撈埋一齊，啲飯上面沾滿蛋，一黎有蛋香，二黎更加滑溜。同出面嘅牛肉飯唔同，佢除左有點綴用嘅蔥花，仲善用蔥白色嘅部分（味道會比綠色部分重），切成一條條細絲，再配合切成圈狀綠色蔥嘅部分，令到個飯唔會好漏，同清新左好多。而米方面就用上日本嘅珍珠飯，粒粒飽滿，就算沾上蛋液都唔會癡埋一舊。絕對值得推介！
溫泉玉子、照燒宮崎和牛丼
2 views
0 likes
0 comments
-
味噌湯
尼度嘅味噌湯好特別，佢仲額外加上南瓜，令味道變得多層次同甜甜地，健康得黎又好食。
甜品 – 開心果雪糕
嚟到最後就到甜品啦，係開心果雪糕！雪糕質地都好綿，冇起冰。同埋入面有粒粒嘅開心果，清新嘅nuts 味同好滑嘅牛奶味，絕對唔係一般出面食到嘅雪糕嘅味道！絕對係為尼個午餐畫上完美嘅句號。
開心果雪糕
3 views
0 likes
0 comments
-
你問我俾咁多食一碗牛肉丼會唔會肉赤，咁就一定㗎啦，但係真係好好食，同又有得試高質嘅前菜同甜品（午餐嘅廚師發辦都係一樣嘅配菜），絕對值得一試啦！同喺尼種小店食飯好正，因為廚師會分享下啲食物。尼間雖然主打廚師發辦，但都有平啲嘅選擇，我覺得好值得以平啲嘅價錢試下高級嘅服務同食材！下次有多啲錢再試下佢嘅omakase 先 😋
Post
