Video
Read full review
2022-08-10
362 views
🌟尖沙咀高級日式燒肉🌟月頭又係時候食豪啲，今晚同同事去左尖沙咀金馬倫道Wagyu Ya豪食日本和牛，好多款都好吸引唔知點揀好，店員推介我地試下佢地既Special Tasting Menu，一次過試哂多款人氣推介Special Tasting Menu ($888/位; 兩位起)🥗和牛沙律頭盤係和牛沙律，有6片厚切和牛，半生熟既和牛片入口即溶，配埋新鮮爽脆既沙律菜，夠哂開胃🥰🥬和牛紫蘇天婦羅呢個和牛紫蘇天婦羅賣相好精緻，六件天婦羅上面加左金箔做點綴，外脆內軟既口感配埋紫蘇葉獨特既味道，口感層次好豐富🥪和牛鵝肝三文治見到好多人都推介呢個和牛鵝肝三文治，果然無介紹錯，麵包烘到金黃色好香脆，夾住煎到微焦既鵝肝，加埋吉列和牛一齊食，雖然邪惡但好好食，和牛油花好重，牛味香濃，吉列和牛唔會好油膩，三款食材好夾，大滿足大❤️🐄岩手縣A5薄燒食左咁吸引既三文治之後，店員送上話梅番茄比我地清一清口腔入面既味道，迎接今晚既主角和牛燒肉，先黎既係和牛薄燒，店員會幫忙燒和牛，同店員講低生熟程度就可以了，和牛薄燒好大塊，可以先試一啖原味，再蘸上蛋漿一齊食，或者包住香蔥同炸蒜片，三種口感好正😋🐄和牛拼盤 食完個和牛
月頭又係時候食豪啲，今晚同同事去左尖沙咀金馬倫道Wagyu Ya豪食日本和牛，好多款都好吸引唔知點揀好，店員推介我地試下佢地既Special Tasting Menu，一次過試哂多款人氣推介
Special Tasting Menu ($888/位; 兩位起)
🥗和牛沙律
頭盤係和牛沙律，有6片厚切和牛，半生熟既和牛片入口即溶，配埋新鮮爽脆既沙律菜，夠哂開胃🥰
🥬和牛紫蘇天婦羅
呢個和牛紫蘇天婦羅賣相好精緻，六件天婦羅上面加左金箔做點綴，外脆內軟既口感配埋紫蘇葉獨特既味道，口感層次好豐富
🥪和牛鵝肝三文治
見到好多人都推介呢個和牛鵝肝三文治，果然無介紹錯，麵包烘到金黃色好香脆，夾住煎到微焦既鵝肝，加埋吉列和牛一齊食，雖然邪惡但好好食，和牛油花好重，牛味香濃，吉列和牛唔會好油膩，三款食材好夾，大滿足大❤️
🐄岩手縣A5薄燒
食左咁吸引既三文治之後，店員送上話梅番茄比我地清一清口腔入面既味道，迎接今晚既主角和牛燒肉，先黎既係和牛薄燒，店員會幫忙燒和牛，同店員講低生熟程度就可以了，和牛薄燒好大塊，可以先試一啖原味，再蘸上蛋漿一齊食，或者包住香蔥同炸蒜片，三種口感好正😋
🐄和牛拼盤
食完個和牛薄燒就到和牛拼盤，有牛肩胛、牛三角、牛西冷同牛舌，每款兩件，雪花紋好靚由牛肩胛順時針食起，牛味香濃既牛肩胛，牛三角同牛西冷油花比較重，每邊輕輕燒十幾秒就食得，入口即溶既口感好正，配埋餐廳提供既Wasabi汁 / 燒肉汁 / 岩鹽，別有一番風味，最後以燒牛舌作結，厚切牛舌爽口彈牙，正😚💯
🍚和牛櫻花蝦舞茸釜飯
主食方面套餐包埋呢個釜飯，用上日本珍珠米口感綿滑，本身加左燒肉汁，上面配埋和牛片、櫻花蝦同舞茸，打開個蓋就聞到好香，兩個人share每人都分到一大碗，估唔到和牛同舞茸咁夾，食飽飯飲埋個麵豉湯就最perfect
🍈🍦甜品
甜品方面都好有誠意，有夏天當造既日本蜜瓜🍈，鮮甜多汁，仲有海鹽雪糕，奶香濃郁，口感清新
Post
