阿久根和牛立燒店 (Closed)

前排同我fd 以為日本開關可以過去，點知原來要跟團，而且價錢仲好貴，搞到空歡喜一場，傷心之下佢帶我去左一晚”日本”食日本和牛餐廳好有日本居酒屋feel，店名雖說系和牛立燒店，但其實有高腳凳坐，吾洗燒得禁辛苦。極尚和牛定食 $168定食有蜆肉味噌湯、沙律、白飯、前菜。和牛方面：肉眼A4、西冷A4、牛舌、牛肚各2片。個人最喜歡肉眼A4，入口油脂滿滿，牛味好出，入口即溶。西冷A4系第2好食，肉質好嫩，同樣牛味香濃。牛舌都算大塊，咬落有少少爽口感。牛肚都一樣烤得幾爽，好有咬口感。阿久根和牛涮鍋 $148和牛方面有：胸腹肉3片、三角肋肉2片、肉眼A4 1片另外會配烏冬、前菜、生雞蛋同蔬菜拼盤。蔬菜拼盤有冬菇、金菇、蘆筍、菜、洋蔥、大葱、豆腐、冬粉等，我已經預先將蔬菜拼盤放哂入鍋內。胸腹肉既肉質會比較實啲，有少少根，有啲咬口。三角肋肉都好推薦，雪花紋理清晰可見，因為接近肉眼位置，所以同樣牛味好重，油脂重啲。另外再加多左少少野食，叫左粟米、鰻魚同後腿肌。呢度提供3款不同辣味既調味，大家都可以試下。