伊呂波燒肉 (Moved) New Location

身邊幾個fd都係食肉獸而早排興韓燒於是餐餐同fd gathering都不外乎係韓燒, 今日有人提議不如食返次日燒都可以有個對比唔洗咁悶!.因為我地幾個都唔係食好多, 所以放棄放題揀咗高質和牛. 呢間其實之前都試過一次印象幾好, 不過礙於佢價格小貴所以都比較少食到😝入到黎我地居然被安排到一間private room食wor,正! 呢度裝修偏日式,木為主,房間用木造趟門. 幾舒服嘅食飯環境! 檯面一如既往有調味料,牙籤筒同陶瓷茶杯. 叫咗個家庭set已經夠曬豐富.個set有個Salad, 芝士牛筋,日式煎餅, 牛排肉牛舌etc!  最特別嘅應該係呢個一兜嘅拼盤, 中間嘅牛油遇熱溶曬落個蘆筍豚肉卷度, 連埋個錫紙兜燒緊已經聞到好香!! 另外聽fd講呢間必食嘅和牛我地都有叫架! 係香港比較少食到好靚嘅和牛, 始終選擇唔多同價格小貴嘅緣故.呢度呢款食落好lum之餘真係香得黎唔會太膩, 於是最後我地追加咗一份澳洲和牛試下. 感覺不相伯仲, 食落唔會韧, 入口即溶. 見仁見智啦 我就鍾意日本和牛多d啦! 總體黎講質素高, 價錢小貴, 不過都係果句. 食完又要減, 無謂擺d低質野落肚啦!