鮨玥 (Closed)

同朋友踩完單車就諗住食返餐好既，見呢間有河豚可以食就試下呢間啦，順便試下河豚係咩味。間鋪頭唔算大，最好就提早訂位。而河豚刺身則要提早預訂。而入到去當然是立刻叫了壽司同刺身啦，我叫左油甘魚，三文魚，鮪魚，海膽，劍魚腩，帶子等等。而最印象深刻的便是海膽和帶子壽司(其他都好好食喔)。今次食的海膽唔單止充滿海膽味，而且唔臭，呢句望落好似係廢話但要係香港食到呢種質素既海膽唔係每間鋪頭都有。而帶子壽司根本冇得輸，鮮味十足，必食首選。最後當然要講下河豚刺身啦，d刺身鋪滿成隻碟，餐廳仲提供左個醬汁比呢碟刺身。但好老實地說我真的不太懂欣賞河豚刺身，味道是特別是好味的但我應該唔會再點這個刺身，對我黎講未至於去到必點既地步。而根據飲食男女所講餐廳的河豚刺身是在日本處理好才送到香港，所以應該無需過份擔心中毒問題。但今餐唯一美中不足之處便是河豚白子沒有貨，原本打算也試試河豚白子，看來要等下次了。