立鮨 (金馬倫廣場)

Open Now

Now Closed

立鮨壽司食材一向有質素保證，幾個月無嚟，估唔到尖沙咀分店依家都有凳坐，可以坐低慢慢食😋✨三文魚籽軍艦一粒粒晶瑩剔透嘅三文魚籽滿瀉碟上，建議將成個軍艦一淡放入口，可以感受到全部魚籽一次過喺口中爆發嘅震撼，非常新鮮，毫無腥味。✨大滿足海膽特盛（迷你）新鮮綿密嘅海膽疊喺已預先調好味嘅壽司飯上，比例剛好，每一淡都喺大滿足。✨ 火炙大吞拿魚腩海苔壽司肥美嘅大吞拿魚腩經過火炙，入口即溶，魚油香慢慢滲入口腔，配上海苔令口感層次更豐富。✨火炙左口魚邊壽司火炙處理將左口魚邊壽司推向另一層次，濃濃嘅脂香滲入壽司飯中互相協調。✨北海道特大珍寶帶子壽司特大珍寶帶子肉質厚實嫩滑，將壽司飯重重包圍，口感更佳。✨原隻活赤貝壽司肉質新鮮爽口。✨珍寶甜蝦壽司蝦肉鮮甜嫩滑，蝦尾已預先剝去，方便進食。