豬屋日本料理

Open Now

Now Closed

今日唔想煮飯，落車附近有間日式餐廳，咁不如行過去睇睇。餐廳門外餐牌都幾吸引，廚窗海報有個期間限定便當好似幾好食，咁最後我就揀左薩摩便當同一個刺生丼。餐廳幾細心，熱同凍嘢分開兩袋包起，刺身裡果袋仲加左粒塊。薩摩便當：便當幾豐富，有味付螺肉做前菜小食，鹽燒安格斯封門柳燒得幾靚，肉帶少少紅，唔韌，有牛味。另外豬頸肉同蟹籽加州卷都好食，飯加左燒汁，食落有味唔單調，幾好。特選五色丼 + 麵豉湯：麵豉湯夠味道，五色丼賣相幾好，有三文魚、北寄貝、帶子、赤蝦同海膽，每款刺生都係厚切大塊，魚生幾新鮮，整體唔錯。