Video
Read full review
2021-11-13
89 views
屋企附近開左新外賣壽司店，是日有朋友黎就去買份名外賣一齊食先。千之味都幾有名，有好幾間分店，而且評價都唔錯。叫左一個壽司盛盒同一個沙律，三百蚊抵食啦，超市啲雪到硬晒嘅壽司都唔止呢個價。睇住店員密密手整，為左唔好比壓力佢地周圍望下先，店內有好幾個大雪櫃，不過得飲品同醬料，遲啲唔知會唔會有其他野賣呢？店內好乾淨無塵，望入廚房都係，感覺唔錯喎。等左唔使十分鐘就有得拎，認真快手。店員問使唔使放冰底，怕拎得遠嘛，哈哈，唔使啦我住好近，不過咁問下好貼心。好衛生，試過有啲外賣店個盒油膩膩又黏滿蟹籽，呢間無呀，個盒摸落好乾爽。盛盒A款有25件壽司，三文魚、帶子、鰻魚、吞拿魚、油甘魚、玉子、同加洲卷，賣相幾靚仔。鰻魚香口好食呀，帶子好鮮甜，對帶子改觀左，平時食個啲通常無咩味，估唔到呢度咁鮮甜，口感仲唔錯，唔係放題店啲淋滋滋嘅。呢兩件藍鰭吞拿魚赤身壽司唔講得笑，好肥美仲好厚切，正呀。後面嘅油甘同三文都正，但唔及件吞拿魚啦。玉子見到係一圈圈卷起嘅，軟腍微甜好食，一般平價壽司店啲一塊完全唔係路。壽司size正常大小，一口一件，飯軟綿綿有飯香。另外仲叫左蟹籽沙律，超多蟹籽～下層仲有大量蟹柳絲，青瓜清甜爽口。朋友
千之味都幾有名，有好幾間分店，而且評價都唔錯。
叫左一個壽司盛盒同一個沙律，三百蚊抵食啦，超市啲雪到硬晒嘅壽司都唔止呢個價。
睇住店員密密手整，為左唔好比壓力佢地周圍望下先，店內有好幾個大雪櫃，不過得飲品同醬料，遲啲唔知會唔會有其他野賣呢？店內好乾淨無塵，望入廚房都係，感覺唔錯喎。
等左唔使十分鐘就有得拎，認真快手。
店員問使唔使放冰底，怕拎得遠嘛，哈哈，唔使啦我住好近，不過咁問下好貼心。
好衛生，試過有啲外賣店個盒油膩膩又黏滿蟹籽，呢間無呀，個盒摸落好乾爽。
盛盒A款有25件壽司，三文魚、帶子、鰻魚、吞拿魚、油甘魚、玉子、同加洲卷，賣相幾靚仔。
鰻魚香口好食呀，帶子好鮮甜，對帶子改觀左，平時食個啲通常無咩味，估唔到呢度咁鮮甜，口感仲唔錯，唔係放題店啲淋滋滋嘅。
呢兩件藍鰭吞拿魚赤身壽司唔講得笑，好肥美仲好厚切，正呀。後面嘅油甘同三文都正，但唔及件吞拿魚啦。玉子見到係一圈圈卷起嘅，軟腍微甜好食，一般平價壽司店啲一塊完全唔係路。
壽司size正常大小，一口一件，飯軟綿綿有飯香。
另外仲叫左蟹籽沙律，超多蟹籽～下層仲有大量蟹柳絲，青瓜清甜爽口。朋友話要麻醬，個人覺得配蛋黃醬好食啲，唔知可唔可以兩溝呢？哈哈。
外賣附上嘅醬料，有兩盒豉油，七包芥末，同一盒芝麻醬，全部都好乾淨無漏，抵讚。好味好味，想食壽司又多個好選擇。
Post
