滷府 (Closed)

今晚去朋友屋企食飯，唔可以兩手空空，就決定到港鐵站附近的滷水店買餸加料。叫咗三個餸，包括慢煮特調滷水雞、滷水墨魚和滷水雞蛋。從外表睇，全部食物都色澤均勻，相信店家有好好控制滷汁同烹調時間，每一件都非常入味，又唔會過鹹。慢煮特調滷水雞 (半隻，$78) - 通常雞都唔係傳統滷水店的主打菜式，但呢個慢煮雞好有驚喜。個雞無血水，但同時雞肉非常滑，好嫩口，又夠入味。十級推介，份量十足，連雞胸都好滑好嫩。滷水墨魚 ($20) - 咬落好軟熟，一啲都唔硬，仲有少少彈口。滷水雞蛋 ($8) - 非常鐘意食蛋的朋友，對呢個滷水蛋激讚，因為真係好好好入味，實屬難得，煮得好出色。另外，好鐘意間鋪頭的職員有禮貌，環境整潔光猛，可以睇清楚食物之餘，確保衛生乾淨。