Video
Read full review
2022-08-21
31 views
嚟介紹下特色burger啦🍔！今次想分享嘅一間小店係以外賣漢堡為主㗎🤪。我自己本身都幾鍾意食burger，所以小店burger我都有留意開㗎🤭。有時小店整出嚟嘅嘢食一樣可以好高質🥳，一齊嚟睇吓我嗰日叫咗啲咩burger食啦😍。食物方面☝🏻#雙層牛肉漢堡（$118）首先要介紹嘅就係餐廳嘅招牌雙層牛肉漢堡啦🍔，想講呢個漢堡成為呢間餐廳嘅招牌真係唔係冇原因🤩。就咁睇個賣相都已經覺得好足料👍，最引人注目嘅就一定係雙層安格斯牛肉🤤，仲要加埋車打芝士🧀，真係睇到都覺得邪惡😈。食落個漢堡都好Juicy。另外餐廳個漢堡包係採用咗法式甜包嘅做法🇫🇷，所以成功做到外脆內軟嘅效果。我覺得呢個雙層牛肉漢堡同其他餐廳有分別，就係因為呢間餐廳入邊係夾焦糖洋蔥🧅。我自己覺得焦糖洋蔥嘅味道同安格斯牛肉真係好夾😎，真係一個整得好有心機嘅burger😍。#手打蝦餅漢堡（$78）之後要介紹嘅就係手打蝦餅漢堡🦐，仲記得我有一段時間都幾鍾意食蝦堡㗎，因為我覺得啖啖蝦肉嘅感覺真係好滿足😋。講返餐廳嘅手打蝦餅漢堡先，呢個burger同樣足料😚，睇返餐廳嘅Menu，呢個burger嘅餡料分別有手打蝦餅🦐、泰式海鮮汁🇹🇭、甜辣醬🌶、紅
今次想分享嘅一間小店係以外賣漢堡為主㗎🤪。我自己本身都幾鍾意食burger，所以小店burger我都有留意開㗎🤭。有時小店整出嚟嘅嘢食一樣可以好高質🥳，一齊嚟睇吓我嗰日叫咗啲咩burger食啦😍。
食物方面☝🏻
#雙層牛肉漢堡（$118）
首先要介紹嘅就係餐廳嘅招牌雙層牛肉漢堡啦🍔，想講呢個漢堡成為呢間餐廳嘅招牌真係唔係冇原因🤩。就咁睇個賣相都已經覺得好足料👍，最引人注目嘅就一定係雙層安格斯牛肉🤤，仲要加埋車打芝士🧀，真係睇到都覺得邪惡😈。食落個漢堡都好Juicy。另外餐廳個漢堡包係採用咗法式甜包嘅做法🇫🇷，所以成功做到外脆內軟嘅效果。我覺得呢個雙層牛肉漢堡同其他餐廳有分別，就係因為呢間餐廳入邊係夾焦糖洋蔥🧅。我自己覺得焦糖洋蔥嘅味道同安格斯牛肉真係好夾😎，真係一個整得好有心機嘅burger😍。
#手打蝦餅漢堡（$78）
之後要介紹嘅就係手打蝦餅漢堡🦐，仲記得我有一段時間都幾鍾意食蝦堡㗎，因為我覺得啖啖蝦肉嘅感覺真係好滿足😋。講返餐廳嘅手打蝦餅漢堡先，呢個burger同樣足料😚，睇返餐廳嘅Menu，呢個burger嘅餡料分別有手打蝦餅🦐、泰式海鮮汁🇹🇭、甜辣醬🌶、紅洋蔥🧅、牛油生菜🥬、番茄🍅。因為蝦餅係手打嘅關係，所以食落都好彈牙😊。另外蝦餅入邊都唔會話有好多粉混合喺入邊，完全係我鍾意啖啖蝦肉嘅感覺😙。
#芝士醬炸薯條（$40）
之後要介紹嘅就係小食啦，首先要介紹嘅第一個小食就係芝士醬炸薯條🍟，呢個小食真係睇到個名都覺得邪惡👾。餐廳採用咗厚切薯條，所以個口感都會紮實好多😬。再點埋個芝士醬🧀，成件事真係冇得輸。芝士醬同薯條實在太夾啦🥰，完全係食到停唔到口😈。
#蒜香炸雞翼（$35）
跟住落嚟講嘅第二個小食就係蒜香炸雞翼🐓，餐廳嘅炸雞翼同樣夠晒有水準👍。除咗粉漿夠薄之外，蒜香味夠晒香口🧄。我欣賞蒜香嘅味道啱啱好，唔會過重而蓋過咗炸雞翼本身嘅香味😚。雞翼咬落去啲肉汁依然喺度😋，肉質夠晒鮮嫩🤩。
#田園沙律（$40）
食咗咁多邪惡嘅嘢就當然要食返啲健康嘅嘢中和下啦🤣。今次我就叫咗一份田園沙律🥗，想講沙律個賣相真係好繽紛🫶🏻。除咗一般沙律都會有嘅沙律菜之外，餐廳嘅沙律仲有石榴可以食😍。石榴咬落去真係好鮮甜，仲要啲汁係爆出嚟咁樣😚，超級多汁。同埋作為小食嚟講，佢個份量都算多😇。
評分以🌕表示（滿分為5）
環境：🌕🌕🌕🌕🌑
賣相：🌕🌕🌕🌕🌑
味道：🌕🌕🌕🌕🌑
服務：🌕🌕🌕🌕🌑
Post
