川熙樓 (Closed)

正呀！！係歐洲返黎好耐冇食過川菜，估唔到搵到一間高質水煮魚～～大大碗，勁多辣椒🌶️ 見到即刻流晒口水。魚份量唔算少，好嫩～我反而更驚喜係撈撈下，原來底下有超級多料！！！！有好入味既爽口芽菜，有木耳呀青瓜，仲有我最鍾意既蓮藕同大量薯粉。真係唔洗驚唔夠飽，兩個人食真係夠。薯粉好有咬口好正好滿足。之後仲叫多左個豆腐，燒得入味，最鍾意係d菇，唔知煮法係點呢 因為食落似乾煸過 好乾身好濃菇味！！之後仲貪心咁叫多左碗擔擔麵！辣味就ok啦不過如果麻醬味比較足會更好味～～ 麵質都唔錯。