海陽。居酒屋

Open Now

Now Closed

今日男朋友話帶我去食好嘢，佢一早book定枱，食我哋兩個都鍾意嘅日本菜。呢間居酒屋格調高雅，日式味道濃厚，客人進店時，店員會擊鼓以示歡迎。海陽豐洲卷$198精緻壽司卷上面放咗鮮甜creamy海膽，每件小飯卷都餡料充實，滿滿的魚生，生菜及青瓜絲。三色壽司馬天尼$198賣相一流，壽司飯上鋪滿了吞拿魚蓉，魚子及海膽，再放上雞尾酒杯，加上食用花裝飾，實在太靚，我心心眼咗，瘋狂打卡。所有材料都超新鮮，味道鮮甜，每一口都令人幸福。北海道帶子$88有三大隻，厚身，帶子味濃厚，好鮮甜。三文魚親子丼$198勁多大塊三文魚及海量三文魚子，三文魚肥美嫩滑，魚子粒粒飽滿爆汁，口感一流，呢個丼教人滿足。大蝦天婦羅手卷$68大蝦大隻，粉漿薄，新鮮炸起超香脆。手卷一點一也不馬虎，材料豐富，配有大量蟹柳絲，青瓜。燒日本A4和牛西冷焗芝士初生卵$248鐵板上枱，牛的油脂香氣好吸引，和牛片入口即融，牛脂香氣四溢，沾上溫泉蛋液食，滑嘟嘟，澎湃芝士拉絲同雜菌一齊食，正。黑松露醬燒豆腐串$48有驚喜，估唔到豆腐可咁好食，豆腐外脆內嫩，配上黑松露醬，好惹味，食唔停口。芫荽雞肉丸串燒$48啖啖肉，淡淡芫荽香配合照燒醬汁，正常發揮。