柏斯意大利餐廳 (Closed)

無花果啤梨蜜糖沙律($128)無花果好新鮮清甜，啤梨亦都好甜，比較少食到用蜜糖而唔係黑醋既沙律，全份沙律用既配料都好夾，食落清清地，做前菜岩曬。-黑松露雞肉卷配鵝肝($238)當天既廚師推介，賣相同味道都好有驚喜，煙肉卷住雞肉，中間仲包左大量黑松露醬，上面仲有一大舊鵝肝，配埋廚師自煮既牛油汁。食落雞肉好嫩，每啖都夾埋鵝肝食，味香而唔膩，正！-心太軟配薄荷碎朱古力雪糕($78)心太軟流心唔算澎湃，不過朱古力味好濃，食落好滿足，旁邊既雪糕係薄荷味，唔係一般甜品店叫開貨個種味，食落相當薄荷，配埋心太軟食就可以中和返朱古力既膩。坐外面既環境都好好，大聲啲講野都唔怕。