孖寶 (Closed)

又搵野食，呢間幫襯過2次，今日第3次，就寫下佢啦。今日食紐西蘭肉眼扒配意粉黑椒汁（$98），7成熟。先送上餐湯同包，係南瓜濃湯，我對南瓜有點抗拒所以唔評論。包係香草包+一支breadstick，唔錯香草味幾特別。 等左一段時間，終於上主菜喇。試下塊扒先，咦，有驚喜喎，以7成熟黎講佢煎得剛剛好，唔韌，我好怕太生有血水或太熟咬唔開，肉味唔算濃，但絕對可以接受，意粉係扁意粉我鍾意，不過可惜味道比較淡失色左少少，但將牛扒放在意粉上一同放入口就剛剛好。飲品方面，佢有好幾款咖啡同花茶可以選擇，有誠意，我叫左凍mocha，我好少飲咖啡但覺得唔太甜幾好。有誠意，會再幫襯佢