Video
Read full review
2022-10-10
372 views
好耐以前見朋友大推呢間，bookmark咗兩年喇，但係元朗對我嚟講太遠，今次終於有機會試到！佢鋪面好細，只有兩張檯，名副其實嘅溫馨小店。一行到過去第一樣吸引到我嘅就係兩個放晒奶茶嘅雪櫃！奶茶控表示心心眼，好彩今日未買手搖，有quota可以試佢嘅奶茶😛企咗喺店外睇餐牌嘅時候女店員已經好熱情招呼我哋入去坐低慢慢睇，撲鼻而來嘅香味原來係老闆準備緊馬騮搣嘅茶底，我哋就被吸引咗去睇奶茶menu...不過女店員好有組織咁樣叫我哋揀咗嘢食先，奶茶可以容後等佢慢慢介紹。我哋揀咗蟹膏蛋治(+煙燻芝士)同埋鰻魚蛋燒豆腐，製作速度都幾快，佢一落枱嗰一下忍唔住「嘩」咗一聲😆 個presentation好吸引，本身唔係好肚餓都狼吞虎嚥🤣 我個人本身唔係太鍾意食蛋，但係佢個炒蛋勁出色，連我咁揀飲擇食都覺得好好食！經過女店員嘅介紹同游說，我哋都想試真啲奶茶嘅味道，所以就分別嗌咗少甜馬騮搣奶茶 同走甜世一奶茶。本身好擔心走甜會有澀味，但一啲都唔澀，完全喜出望外！（利申我平時喺出面飲手搖通常都係飲全糖🙈）女店員話如果走甜會有澀味嗰啲係唔靚嘅奶茶，呢個我哋認同。雖然啲奶茶相對上係少少貴，不過佢嘅質素絕對對得住個價錢。臨走
佢鋪面好細，只有兩張檯，名副其實嘅溫馨小店。一行到過去第一樣吸引到我嘅就係兩個放晒奶茶嘅雪櫃！奶茶控表示心心眼，好彩今日未買手搖，有quota可以試佢嘅奶茶😛企咗喺店外睇餐牌嘅時候女店員已經好熱情招呼我哋入去坐低慢慢睇，撲鼻而來嘅香味原來係老闆準備緊馬騮搣嘅茶底，我哋就被吸引咗去睇奶茶menu...不過女店員好有組織咁樣叫我哋揀咗嘢食先，奶茶可以容後等佢慢慢介紹。
我哋揀咗蟹膏蛋治(+煙燻芝士)同埋鰻魚蛋燒豆腐，製作速度都幾快，佢一落枱嗰一下忍唔住「嘩」咗一聲😆 個presentation好吸引，本身唔係好肚餓都狼吞虎嚥🤣 我個人本身唔係太鍾意食蛋，但係佢個炒蛋勁出色，連我咁揀飲擇食都覺得好好食！
經過女店員嘅介紹同游說，我哋都想試真啲奶茶嘅味道，所以就分別嗌咗少甜馬騮搣奶茶 同走甜世一奶茶。本身好擔心走甜會有澀味，但一啲都唔澀，完全喜出望外！（利申我平時喺出面飲手搖通常都係飲全糖🙈）女店員話如果走甜會有澀味嗰啲係唔靚嘅奶茶，呢個我哋認同。雖然啲奶茶相對上係少少貴，不過佢嘅質素絕對對得住個價錢。
臨走仲買咗支金銀菊花茶帶走，之後飲咗都係覺得好高質！真係好想試晒佢咁多款奶茶同埋另外嗰個羅漢果桂花茶，必須encore！😋
少甜馬騮搣奶茶、走甜世一奶茶
38 views
0 likes
0 comments
蟹膏蛋治
39 views
0 likes
0 comments
鰻魚蛋燒豆腐
31 views
0 likes
0 comments
金銀菊花茶
$32
19 views
0 likes
0 comments
Post
