月．火鳳燒鳥 (Closed)

不容錯過嘅一間居酒屋，服務超好，會耐心介紹食物，前菜係一道花生秋葵，秋葵爽口開胃。跟住就上魚生，擺設精美，令人提升食欲，魚生非常新鮮，拖羅外燒過少少，依然入口即溶嘅感覺，正！油金魚新鮮好咪，一啲都唔會有腥味。醬油田螺新鮮大粒爽口又入味。店員服務細心照顧，會準備一隻碗放螺殼。燒甜紫薯好好味，夠晒甜，唔會燒得好濃。第一次知道有雞尾呢樣野，原來甘好食，望落會似雞軟骨，食落係外脆內軟，唔會覺得肥膩。豬腎燒得岩岩好，大粒又好爽口，加埋佢地特別嘅味粉愈食愈開胃。燒魚燒得好好食，有兩款汁可以點，一款比較咸啲，另一款較為淡啲但重啲柚子味，好清新。飯團真係無得頂，有櫻花蝦、芝麻、蛋碎，食落好似飯素味，一啲都唔會覺得乾。最後甜品係蕨餅，好精緻，唔會太甜，清下個口，非常好食。仲叫左杯酒，店員話呢隻酒配白肉魚生最岩，飲落都易入口，帶有果味，愈飲愈好飲。