泰然 (順利商場)

Open Now

Now Closed

前排跟一個朋友喺順利邨體育館學打golf，打完已經好餓，梗係要喺openrice搵下附近有咩好食啦。我地最後決定試呢間新開嘅泰國菜「泰然」，整體體驗良好，向大家推薦。餐廳喺順利邨商場平台，距離體育館好近。餐廳係新裝修嘅，所以都好企理乾淨。店員服務態度都唔錯。呢度主打泰國菜，作為一間屋邨餐廳，定價當然唔會太進取啦。當晚我地就食呢個幾抵食嘅二人餐。以下係我地點左嘅食物：青咖哩牛肋骨：碟頭好大盤，賣相吸引，而且熱辣辣。青咖哩好香，牛肉牛味十足，兼且肉唔會硬，正！招牌月亮蝦餅：兩人份都有好多件，每件都煎得幾香。值得一讚係啲蝦滑幾彈牙，好味！招牌蟹肉炒飯：好大碟好香，而且炒得唔會太油或太鹹。蟹肉都唔少，係頗高質嘅泰式炒飯！飲品：火龍果芝士特飲賣相唔錯，我果杯特飲唔會太甜。