山東小城 (埃華街)

Open Now

Now Closed

住係大角咀嘅我，每當想食水餃，我幾時都會去山東小城，無他，就係因為好好食。今日食京蔥羊肉餃、墨魚馬蹄餃同埋芹菜餃，每一款都獨當一面。 京蔥羊肉餃咬落去澎湃嘅肉汁湧出嚟，散發著羊肉獨有羶香，同埋些微京蔥嘅辛辣。 墨魚餃外表其貌不揚 ，但因為皮揉合了墨魚汁， 所以零舍爽彈 ，入面爽滑嘅墨魚膠混合咗脆脆馬蹄粒，每一口都鮮味十足。 芹菜餃在三者入面最清新嘅 ，芹菜霸道嘅香氣撲鼻而來 ，完全食完唔會有飽滯感。人多就嗌埋酸菜魚，同出面川式嘅唔同，呢到係以酸為主嘅味道，湯頭清澈無油，係健康清新嘅做法。拍青瓜估唔到咁大碟，淨係佢都食飽一個人，夠晒健康！飲埋自家山楂茶，微甜口味啱晒我，開完胃可以食多啲💛💛咁好食既一定多啲懲罰