Amplifier Restaurant (花園街) (Closed)

最近工作繁忙又有煩惱，收工後就相約朋友食飯傾計，我哋去左一間工業風既餐廳，餐廳環境闊落燈光柔和，可以靜靜地傾下計.水牛城雞翼 $ 128 8pcs一上枱聞到好勁既酸味，不過食落又唔會太酸可以接受，但就唔太食到辣味。雞翼有煎過雞皮脆口，雞肉幾嫩滑。.香煎帶子黑松露扁意大利麵$228帶子輕微煎過入口鮮甜配上三文魚子做點綴同時又可以增加口感，意粉每條都掛滿松露醬汁又creamy 又好食而且黑松露都幾濃郁.香草燴羊膝 $268羊肉好腍無羶味仲好入味，薯蓉幼滑細膩，好食！