水蜜桃冰室 (Closed)

以前中學成日行完街去女人街食野,對女人街好有回憶,最近看見新开的水蜜桃冰室,設計幾舒服,見到有火焰鐵板餐,好吸引立即沖去試試! 鐵板燒紐西蘭羊扒 大大塊羊扒，厚切多汁，但酒味重左少少，羊如果So D更好味,但勝在抵食價錢合理, 有時扒癮起黎食一流。這價錢算十分不錯。忌廉湯(+$12 可轉酥皮)正常的忌廉湯,不會好似糊仔,味道和質感也不錯。加$18叫左蟹肉炸薯餅雖然不太食到蟹肉的味道,但薯餅外脆內滑,熱辣辣好好味,熱氣都要食。鐵板燒肉眼扒 要了推介的5成熟，肉質嫩滑,不會用梳打粉醃出來的,牛味也算不俗,想不到這價錢也有這水準, 如果牛同羊比較起來,我比較like肉眼扒。 聽講這裏的日本雪葩好出名,食完肉類想清下口腔,叫了柚子雪葩,意外地清新,而且不會太甜,感覺清新健康,好似H牌的Ice cream甘香滑。雪葩比雪糕健康,可以食多幾啖。