Video
Read full review
2023-01-07
1610 views
自己覺得天水圍係一個美食沙漠🙈或者可能純粹自己少去今次都係因為去濕地公園先山長水遠入嚟呢間算係出名抵食嘅西餐廳，平均$60一個午餐，包沙律或者餐湯，另外仲有飲品沙律正正常常🥗用上深煎芝麻醬▶️ 鮮茄龍利柳扁意粉 ($60)喺OpenRice見係熱門之選，唔食魚可以叫雞扒嚟到份量都幾大，上面龍利柳都兩大條架🐟賣相相當吸引，至少感覺唔頹意粉整到al dente，食落軟硬適中🍝絕對係好食嘅意粉蕃茄醬雖然唔係用天然蕃茄整🥫因為見到有一罐罐罐頭意大利牌子嘅蕃茄醬喺旁邊，但係食落唔會太鹹，反而仲有蕃茄嘅鮮甜味🍅稀杰度亦啱啱好，唔會好水汪汪又或者太油膩因為扁意粉比起一般意大利粉面積大，所以更加黏番茄汁😋夠晒濃味龍利柳雖然一定係用雪藏嗰隻，但係好在用香草醃完同煎完之後冇雪藏味魚柳幾腍又冇骨，煎到嗰邊微微香脆👍🏻成個意粉帶有自家製homemade嘅風味，意粉質感相當出色▶️ 蘋果紅茶跟餐飲品，係唔需要加錢嘅選擇入邊算特別啲，另外有個蜜桃紅茶微微帶啲蘋果香味🍎唔會太甜，味道天然飲到尾都品嚐到茶味，同時唔會太苦☕️比想像中好飲-食物果然幾有質素，意粉整得好味，達到西式餐廳嘅標準環境同服務都OK，只係晏晝嚟到要等一
今次都係因為去濕地公園先山長水遠入嚟
呢間算係出名抵食嘅西餐廳，平均$60一個午餐，包沙律或者餐湯，另外仲有飲品
沙律正正常常🥗用上深煎芝麻醬
▶️ 鮮茄龍利柳扁意粉 ($60)
喺OpenRice見係熱門之選，唔食魚可以叫雞扒
嚟到份量都幾大，上面龍利柳都兩大條架🐟賣相相當吸引，至少感覺唔頹
意粉整到al dente，食落軟硬適中🍝絕對係好食嘅意粉
蕃茄醬雖然唔係用天然蕃茄整🥫因為見到有一罐罐罐頭意大利牌子嘅蕃茄醬喺旁邊，但係食落唔會太鹹，反而仲有蕃茄嘅鮮甜味🍅
鮮茄龍利柳扁意粉
$60
55 views
0 likes
0 comments
稀杰度亦啱啱好，唔會好水汪汪又或者太油膩
因為扁意粉比起一般意大利粉面積大，所以更加黏番茄汁😋夠晒濃味
龍利柳雖然一定係用雪藏嗰隻，但係好在用香草醃完同煎完之後冇雪藏味
魚柳幾腍又冇骨，煎到嗰邊微微香脆👍🏻
成個意粉帶有自家製homemade嘅風味，意粉質感相當出色
▶️ 蘋果紅茶
跟餐飲品，係唔需要加錢嘅選擇入邊算特別啲，另外有個蜜桃紅茶
微微帶啲蘋果香味🍎唔會太甜，味道天然
飲到尾都品嚐到茶味，同時唔會太苦☕️
比想像中好飲
-
食物果然幾有質素，意粉整得好味，達到西式餐廳嘅標準
環境同服務都OK，只係晏晝嚟到要等一陣位，不過都快嘅 (有限時)
⚠️要留意係餐廳淨係收支付寶、現金或八達通
個人覺得價錢來講係幾抵食嘅，因為意粉份量十分足，食晒成個都飽肚
Post
